
പച്ചിലകള് മുഴുവന്
പുളിയന് ഉറുമ്പുകള്
തീറെഴുതി എടുത്തിരിക്കുന്നു..
ശിഖരങ്ങള് തോറും
കയറി പറ്റിയിരിക്കുന്നു
ഇത്തിള് കണ്ണികള്
വയറോഴിഞ്ഞാല്
ബഹളം വെച്ച് ,
വലിഞ്ഞു കയറി വരും
അണ്ണാറക്കൊട്ടന്മാര്
കൂടും കുടുംബവുമായി
കുടിയേറി പാര്ത്തിരിക്കുന്നു
അടക്കാക്കിളി കൂട്ടം
വിശ്രമത്തിന് എന്നെ പേരില്
അതിക്രമിച്ചു കടക്കുന്നു
പുള്ളും ചെമ്പോത്തും പനങ്കൂളനും
സ്വന്തം പറമ്പിലെ
ആഞ്ഞിലി വെട്ടി
പുരക്കൊരു വാതില് വെക്കാന്
ആരെയൊക്കെ കുടിയോഴിപ്പിക്കണം ?